Speak up!

Ndiani anogamuchira nokuongorora zvawamhan’ara izvi? Chii chinotarisirwa pakuongorora zvawamhan’ara?

Kumhan’ara uku kunosvikira uye kunoongororwa neveSaint-Gobain Ethics & Compliance Department (neVanoona Nezvemashandiro Akanaka veSaint-Gobain Uye Dhipathimendi Rinobvumira). Kakawanda, ongororo idzi dzinoitwa neveDhipatimendi irori (chero bedzi wamhan’ara maererano nezvese zvinotarisirwa kuti zvivemo mumashoko ako uyewo zvichienderana nemusoro wenyaya yawamhan’ara). Kana zvakakodzera, veSaint-Gobain Ethics & Compliance Department vanokwanisa kukumbira rubetsero kubva kune mamwe madhipatimendi, akadai seDhipatimendi reUori, reHuman Resources Department, kana kuti kune vamwe vasingashande ipapo.

Ndezvipi zvinoitwa pakumhan’ara?

1. Kuti utumire zvauri kumhan’ara, tanga nokubaya bhatani rakanzi “Tumira zvinoda kumhan'arwa” riri pamusoro pepeji yekusuma yekuisa zvichemo yeSaint-Gobain.
2. Tevedzera zano riri maringe nezvekuzvichengetedza kana uchida kuramba usingazivikanwe uye wopindura mubvunzo wenyunyuto iri maringe nezvekuchengetedzeka.
3. Sarudza chikamu chauri kuda kumhan’ara (uori, chitsotsi, kusakurudzira kuti pave nokukwikwidzana, nezvimwewo)
4. Nyora zvauri kuda kumhan’ara uye wopindura mibvunzo mishoma kuitira kuti veSaint-Gobain Ethics & Compliance Department vanyatsokwanisa kuongorora nyaya iyi. Unokwanisa kuisa dhokumendi (rinosvika 5 MB).
5. Tumira zvauri kumhan’ara. Uchawana referensi nhamba ichiratidza kuti zvawamhan’ara zvatumirwa.
6. Sarudza zita remushandisi uyewo pasiwedhi kuti uratidze kuti waita kuti munosvikira tsamba makachengetedzeka mako. Uchishandisa munosvikira tsamba, unokwanisa kuwana mashoko ane chokuita nezviri kuitika pane zvawamhan’ara, uyewo nokutaurirana nemunhu ari kuongorora chichemo chako. Kuita izvi hakuite kuti uburitse pachena kuti ndiwe ani kana usingade kuzvizivisa.

Ndinokwanisa kutumira kumhan’ara kwacho ndisingazivikanwe here?

Hongu, unokwanisa. Kunyangwe zvazvo tichikurudzira kuti udaro kuitira kuti nyaya iri kukurukurwa ibatwe zvakanaka, kuburitsa pachena zita rako ndekwekuzvisarudzira. Pakukurukurirana uchishandisa munosvikira tsamba makachengetedzeka mako, unogona kuramba usingazivikanwe. Pakuripota kwese uku hausi kuzokumbirwa kuti utaure zita rako kana kutaura kero yako yeemail.

Ndinopinda sei munosvikira tsamba dzangu?

Kana watumira zvawamhan’ara, uchawana nhamba yereferensi uyewo unobva watumirwa munosvikira tsamba makachengetedzeka mako kuti upinde.

Tapota sarudza zita remushandisi uyewo pasiwedhi uye chengetedza mashoko aunoshandisa pakupinda sezvo uchagara uchimada pakupinda munosvikira tsamba mako. Mashoko ako aunoshandisa pakupinda anongozivikanwa newe chete. Haukumbirwe kutaura zita rako kana kero yeemail yako paunenge uchigadzirisa kuti upihwe munosvikira tsamba mako. Nokuda kweizvi, hauzokwanisi kugadzirisa pasiwedi yako kana yarasika! Kana warasa mashoko aunoshandisa kupinda, tapota mhan’ara zvakare kuti ukwanise kugadzira mutsva munosvikira tsamba dzako. Kana uchikwanisa, tapota tipe referensi nhamba yawakaisa pawakamhan’arapekutanga. Sezvo umu munenge muri munosvikira tsamba dzako mutsva, haukwanisi kuona mashoko ari mune zvawakamhan’ara pekutanga.

Unokwanisa kupinda munosvikira tsamba dzako chero nguva nokubaya bhatani rakanzi “Pinda” papeji iri pakutanga yenzira yezvichemo yeSaint-Gobain.

Ndinowana sei mhinduro kana ndamhan’ara?

Unokwanisa kuwana mhinduro pane zvawamhan’ara pachishandiswa munosvikira tsamba makachengetedzeka mako. Munosvikira tsamba dzako umu muchakubvumidza kutaurirana nemunhu anenge achiongorora zvawamhan’ara nenzira yakavanzika uye yakachengetedzeka. Anogona kuzokukumbira mamwe mashoko kana kuti ndiye acharamba achikuudza zviri kuitika pakutsvakurudza uku. Achakuudzawo nezvemhedziso yenyaya.

Zvese izvi zvinoitwa usina kumboziviswa kuti ndiwe ani. Munhu ari kuongorora zvawamhan’ara anongokwanisa kuona mashoko aunomupa chete.

Kana zvawamhan’arazvine mashoko ese, uyewo zvichienderana nemusoro wenyaya yawamhan’ara, veSaint-Gobain Ethics & Compliance Department ndivo vachaongorora zvawamhan’ara, vachikurukura nevakakodzera vemusangano iri kuti vaone kana chiri chokwadi uye kuti nyaya yacho ndeyekurumidziro here.